Балтач балаларын китапханә үзенә дәшә

Ильнур, 30 август 2016 - 07:34

2570

Балтач үзәк китапханәсе үз укучыларына күп санда рус телендә матур әдәбият тәкъдим итә.

Китапханәчеләр мәктәпкәчә яшьтәге балалар күңеленә шагыйрә В. Хамидуллинаның «Полетели! Раз…, Два… Три…= Очыпкиттек! Бер… Ике… Өч..." һәм С.Пивоварованың "Тылсымлы каурыйлар" дигән әкиятләр китабы хуш килер дип уйлый.

Кече яшьтәге мәктәп укучылары К. Ушинский, Е. Шварц, В. Сутеев, Е. Пермяк, Р. Киплинг, Л. Толстой, Г. Остер, И. Токмакова, С. Григорьев, К. Матюшкина, А. Вестли китапларын укып хозурлана алачак. Урта һәм өлкән сыйныф укучылары В. Иванова, В. Гусев, А. Дробина, В. Лунин, М. Дружинина, А.Гурова, И. Пивоварова, В.Сертаков китапларын укып үзләренә бик күп кызыклы мәгълүмат ала алачак.

Туган илебез тарихына багышланган «Россия для детей», «Удивительная Россия», «Военно-патриотическая хрестоматия для детей», « Я гражданин России» һәм С. Булановның «Ученые», В. Воскобойниковның «Жизнь замечательных детей» китаплары балаларга Ватан турында күбрәк күзалларга мөмкинлек бирәчәк.