Бөек шагыйрь музее (фото)

Өлкәннәребезгә экскурсовод язма материаллар, китаплар, фотосурәтләр, авыл һәм шәһәр көнкүреше әйберләрен күрсәтеп, язучының тормыш юлын, иҗатын аңлатып узды. Габдулла Тукайның иҗаты бәяләп бетергесез. Аның шигырьләре, хикәяләре, әкиятләре тормышчан, әхлак тәрбиясенә нигезләнеп язылган. Өлкәннәребез шушы музейда аның истәлегенә куелган сыннар, язучыны тасвирлаган күп төрле материаллар, әкият геройлары, язучының китаплары белән таныштылар. Шагыйрьнең юбилеена багышлап ачылган Сәгъди абый бакчасында тернәкләнүчеләрне Тукайның әкият каһарманнары каршы алды. Аларга әлеге экскурсияләр татар халкының бөек шәхесләре турындагы мәгълүмат белән күбрәк танышырга, яңалыклар тупларга ярдәм итә, дип хәбәр итәләр бүлекчәдән.