«Иң матур һәм чиста мәдәният йорты ишегалды» конкурсы җиңүчеләре билгеле

Балтач районы ямьле табигать кочагында урнашса да, ишек алдында гөл-чәчәкләр үстермәгән бер генә йорт та юктыр. «Гөлсез өй — нурсыз өй» дип борынгылар юкка гына әйтмәгәндер. Авылның уңган хуҗабикәләре йорт янында, ишегалдын тутырып төрле-төрле матур чәчәкләр тәрбияләсә, районыбызның мәдәният учакларында эшләүчеләре исә ел саен мәдәният йортларын чәчәк бәйләмнәренә күмә.

Капкадан килеп кергәч тә гүзәллек иленә эләккәндәй хис итәсең үзеңне. Нинди генә чәчәкләр үстермиләр алар... Тирә-юньгә ямь биреп розалар, кашкарыйлар, ап-ак ромашкалар, аллы-гөлле лаләләр, төрле төстәге лилияләр шаулап утыралар. Тырышып, бергәләп тәрбияләп, ишегалдын чистартып торганда гына мондый матурлыкка ирешергә мөмкин.

Быел да авыл клублары арасында «Иң матур һәм чиста ишегалды» дип исемләнгән конкурсы старт алган иде. Шушы көннәрдә җиңүчеләредә билгеле булды: «Махсус номинация» дә — Арбор һәм Шубан мәдәният йортлары, Алан авыл клубы бүләкләнде.

Авыл мәдәният йортлары арасында: 

• 1 урын Смәел
• 2 урын-Чутай 
• 3 урын-Сосна һәм Шеншеңәр 

Авыл клублары арасында:

• 1 урын-Ор
• 2 урын Урта Көшкәт

Җиңүчеләрне чын күңелдән тәбрик итәбез!