Нөнәгәрнең супер кайнаналары (фото)

Кичәдә кайчандыр үзләре килен булган, бүгенге көндә инде үзләре үрнәк кайнана булып торучы, киленнәре белән аңлашып яшәүче хатын-кызлар катнаштылар. Алар арасында Илһамия апа Гомәрова, Илсөяр апа Фәсыйхова, Зөһрә апа Закирова, Рауза апа Гафиятуллина, Әлфирә апа Фәсхетдиновалар бар иде. Кичәне күркәм һәм мәгънәле итеп мәдәният йорты директоры Гүзәл Гыймадиева алып барды. Кайнаналар "Килен хезмәте" дигән төшенчәне ничек аңлаулары, тормышларында балалар, ирләре белән булган кызыклы хәлләр турында сөйләделәр. Иң елак балаларын искә төшерделәр. Җырга, биюгә, нәфис сүзгә булган осталыкларын да күрсәттеләр.

Кичә барышында "Ничә балагыз, ничә оныгыгыз бар? Оныкларны тәрбияләүдә ярдәмегез тияме? Мактаулы килен нинди сыйфатларга ия булырга тиеш? Килен булу җинелме, әллә кайнанамы? Яхшы кайнана нинди булырга тиеш? Көнчелек ни ул? кебек сораулар яңгырады. Ә оста һәм үзенчәлекле җавапларны, конкурсларда катнашуларын кайнана булган апаларның залдан киленнәре, балалары, тормыш иптәшләре күзәтеп, җан атып утырдылар. Күркәм кичә авыл узешчәннәренең концерт чыгышы белән үрелеп барды.