Райондашларыбыз “Хезмәт”ебез турында шигырьләр яза

Исегезгә төшерәбез: ярты елга язылу бәясе - 672 сум. Редакциягә килеп язылу һәм газетаны килеп алу мөмкинлеге булганнар альтернатив рәвештә языла ала, анысының бәясе 395 сум. Язылу кампаниясе чорында райондашлар арасында 10 капчык шикәр комы уйнатабыз дип хәбәр иткән идек. Моның өчен "Хезмәт"ебезгә язылу турындагы квитанция белән бергә дүртьюллык шигырьләр юлларга кирәк иде. Газета укучыларыбыздан бик күп хатлар кабул итәбез, рәхмәт сезгә. "Хезмәт"ебезне олылаган шигырьләрнең берничәсен сезнең игътибарга да тәкъдим итәбез.

Әтием-әнием аны укып
Яшәгән, көнен күргән.
Шушы хакта мин дә уйлап,
"Хезмәт"ле булдым күптән.
Светлана Әхмәтшина
Балтач бистәсе

"Хезмәт"не бик яратабыз,
Ул - рухи азыгыбыз.
Сезгә дә киңәш итәбез -
"Хезмәт"кә язылыгыз.
Илсөяр Нәбиева
Балтач бистәсе

Гөлҗифар Зәкиева
Түбән Субаш авылы

"Хезмәт"не ярат!
"Хезмәт"кә языл!
"Хезмәт"сез калма,
Хет бишкә ярыл.
Рәкыйп Фәзуллин
Иске Пукшинер авылы.

Хөрмәтле газета укучыларыбыз! Бәйге дәвам итә. Сездән хатлар көтеп калабыз.