Балтач Үзәк китапханәсе «Сәнгать төне» Бөтенроссия акциясенә кушылып кунаклар кабул итте

«Сәнгать төне» Бөтенроссия акциясе — ел саен үткәрелә торган масштаблы чара. Быел ул Халыклар бердәмлеге көненә багышлана һәм "Мәдәният берлегендә халыклар бердәмлеге" девизы астында уза.

Балтач Үзәк китапханәсе дә әлеге акциягә кушылды һәм Балтач урта мәктәбенең 8 – а сыйныфы укучыларына интеллектуаль — күңел ачу программасы тәкъдим итте.

Укучылар районыбызды дус-тату гомер итүче: татар, удмурт, мари халыкларының гореф-гадәтләре турында кызыклы, тарихи мәгълүмат алдылар, милли уеннар уйнадылар, иҗат остаханәсендә татар милли орнаменты формасында фоамиран тукымасыннан брошь ясадылар.