Балтач укытучылары дәресне заманча проектлаштыра (фото)

Биредә Мәскәү шәһәренең "Академкнига/Учебник" нәшриятенең фәнни-методик бүлек методисты Карпеева Ирина Вячеславовна, региналь үзәк җитәкчесе Радачинская Эльвира Сергеевна һәм мәгарифне үстерү институты методисты Сәгъдиева Илсия Тәлгать кызы катнашты. "Перспектив башлангыч мәктәп" укыту-методик комплекты белән эшләүче 88 башлангыч сыйныф укытучысы уку процессын оештыру, заманча дәресне проектлаштыру һәм электрон дәреслекләр белән эшләү тәртибе буенча лекцияләр тыңлады. Ахырдан укытучылар үзләрен кызыксындырган сорауларга җаваплар да алдылар. Семинар бик эшлекле үтте.