20 октябрь көне бистәбезнең 3нче номерлы балалар бакчасына "Укыту эшчәнлегендә мәгълүмати коммуникацион технологияләр. Эко мәктәп / Яшел флаг программасының тормышка ашуы"дип исемләнгән зона семинары үтте.
Семинарда Арча һәм Саба районыннан да вәкилләр катнашты. Кунакларны музыка укытучысы Елизаветта Федорова җитәкчелегендәге хәзерлек төркеме балалары җырлап-биеп каршы алды. Рус теле тәрбиячесе З. Гыйбадуллина һәм тәрбияче Г. Нигъмәтуллина хәзерлек төркемендә "Юмарт көз", ә уртанчыларда "Көзге урманга сәяхәт" дигән темасына мастер класс күрсәттеләр.
Тәрбияче Ф. Гомәрова балалар бакчасында экологик тәрбия һәм Эко мәктәп / Яшел флаг программасының тормышка ашуы турында сөйләде. Семинарда катнашучылар эшләнгән эшләрдән канәгать калды, дип хәбәр итәләр район мәгариф идарәсеннән.
Район тормышына кагылышлы иң мөһим яңалыкларны безнең Макс каналыннан да белә аласыз!
Нет комментариев