Балтачта мәктәп ярминкәсе башланып китте (фото)

Ильнур, 12 август 2016 - 06:21

2470

Хәзерге минутларда "Балтач" ял паркында "Мәктәпкә әзерләнергә ярдәм ит" акциясе кысаларында укучылар өчен уку кирәк-яраклары ярминкәсе башланып китте.

Балтачта мәктәп ярминкәсе башланып китте (фото)

Беренче сатып алучылар да күренә башлады. Ярминкәдә үзебезнең шәхси эшмәкәрләр белән беррәттән Казаннан килгән сәүдә нокталары да бар. Өс киемнәре, уку формалары, ир балаларга костюмнар, спорт киемнәре һәм канцтоварлар сатыла. Чагыштырмача арзан бәяләр.

Ә сәгать 10.00да райондагы оешма-учреждение, авыл хуҗалыгы җәмгыятьләре җитәкчеләре, шәхси эшмәкәрләр, күренекле шәхесләр тантаналы рәвештә, уку әсбаплары һәм портфельләр өләшә. Башкаладан кунаклар килүе көтелә. Кыскасы, бу көн балаларның күңелендә матур хатирәләр белән истә калырлык итеп оештырылачак.
Балтачлылар, ярминкәгә рәхим итегез!