Районның яшь армиячеләре матур нәтиҗәләр күрсәтә (фото)

Үткән атнада Казан шәһәрендә «Алга, яшь армиячеләр!» дип аталган хәрби-спорт уеннары үтте. Яшьләрнең «Патриот» спорт-патриотик һәм чакырылышка кадәр хәзерлек республика үзәге оештырган әлеге уеннарның зона турына килүчеләр бик күп иде. Спортчылар теоретик һәм практик яктан көч сынаштылар. Чараның теоретик өлешендә уенчылар илебез, республикабыз тарихы, медицина темаларына караган сорауларга җаваплар эзләделәр. Практик өлешендә автоматны сүтеп-җыю, пневматик винтовкадан ату һ. б. шундый күнегүләр эшләүдә ярыштылар.

Районыбыз командасы ярышларда уңышлы чыгыш ясап, бәйгедә II урынга лаек булды.