Татарстанда 239 укытучы ясалма интеллект буенча түгәрәкләр алып бара башлаячак

Татарстанда мәктәп укучылары һәм студентлар өчен ясалма интеллект буенча масштаблы проект эшли башлады. Сентябрь аенда ук мәктәпләрдә һәм көллиятләрдә ясалма интеллект-түгәрәкләр ачылачак, ә аларны 239 укытучы һәм 100 көллият педагогы алып барачак. Һәркем бер мәртәбә 258 мең сум күләмендә акча алачак. Укытучылар исемлеге инде расланган.

Сайлап алуны атнасына 18 сәгатьтән дә ким булмаган һәм уйланылган дәрес планын тәкъдим итүчеләр узды. Алмашка алар ким дигәндә бер ел түгәрәкләр алып барырга тиеш. Географиясе киң: Казан, Чаллы, Түбән Кама, Әлмәт, Алабуга, Чистай һәм башка районнар. Башкалада түгәрәкләр 107, 180, 189 нчы гимназияләрдә, 18, 24 нче мәктәпләрдә һәм башка бик күп мәктәпләрдә барлыкка киләчәк.

Ел саен бу дәресләр аша 5-8 сыйныфларның 3,5 меңнән артык укучысы узачак. Башта аларны нейрочелтәрләр белән аралашырга һәм гади проектлар эшләргә өйрәтәчәкләр, ә җиденче сыйныфка алар инде үз Ясалма инттеллект-агентларын булдыра алачак. Параллель рәвештә түгәрәкләр Казан элемтә техникумында, Түбән Кама һәм Лениногорск политехник колледжларында, Лаеш техник-икътисадый техникумында һәм башка колледжларда эшли башлаячак. Биредә ел саен тагын 1,5 мең студент белем алачак.

Укытучылар әзер булсын өчен республикада квалификация күтәрү курслары башланды инде — педагоглар нейрочелтәрләрне үзләштерә һәм ясалма интеллект-агентларны проектларга өйрәнә. Болар барысы да 2030 елга кадәр ясалма интеллектны үстерү республика программасының бер өлеше.

Вечерняя Казань