“Аҗаган” уйный балалар
"Аҗаган" уйный балалар: Кулларында автомат... Сугышның кара төтенен Раббым, күрсәтмә кабат. "Аҗаган" уйный балалар: "Винтовкадан" аталар, Узышалар, йөгерәләр, "Мина" эзләп кайталар. "Аҗаган" уйный балалар: Командалар ярыша. Киемнәргә төтен түгел, Ап-ак карлар ябыша. "Аҗаган" уйный балалар: Эзләренә кар төшә. Ярыш дәрте балалардан Өлкәннәргә дә күчә. "Аҗаган" уйный балалар: Йөзләре алсулана, Балаларның...
"Аҗаган" уйный балалар:
Кулларында автомат...
Сугышның кара төтенен
Раббым, күрсәтмә кабат.
"Аҗаган" уйный балалар:
"Винтовкадан" аталар,
Узышалар, йөгерәләр,
"Мина" эзләп кайталар.
"Аҗаган" уйный балалар:
Командалар ярыша.
Киемнәргә төтен түгел,
Ап-ак карлар ябыша.
"Аҗаган" уйный балалар:
Эзләренә кар төшә.
Ярыш дәрте балалардан
Өлкәннәргә дә күчә.
"Аҗаган" уйный балалар:
Йөзләре алсулана,
Балаларның чуар эзе
Урманда, басуларда.
"Аҗаган" уйный балалар:
Эзлиләр дәррәү байрак.
Кемнәрдер бит һаман яши
Сугышка тешен кайрап.
"Аҗаган" уйный балалар,
Булсын тик бары уен.
Шомландыра сугыш исе -
Шул хакта бүген уем...
"Аҗаган" уйный балалар...
Лилия Нәкыйпова,
Көшкәтбаш авылы.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев