«Аннары ободок апай буласызмы сез?»

Иии... Бу вакыйганы ничек сезнең белән бүлешмисең ди инде, име...

Түнтәремнең киләчәге белән очраштым бит кичә. Бантик ясау буенча кечкенә генә мастер-класс үткәрдем, үземчә инде әлбәттә.

— Апа, сезнең исемегез ничек?

— Бантикапай дип әйтегез миңа, яме.

— Оригинально...

— Бантик ясау ошадымы сезгә?

— Әйе.

— Тагын ясыйбызмы?

— Әйе.

— Икенче юлы матур итеп ободоклар ясарбыз, яме.

— Аннары ободок апай буласызмы сез?

Шундый рәхәт кич булды. Баштарак читенсенеп торган кызларым белән ахырдан рәхәтләнеп кочаклашып аерылыштык.

Белмим, аларга ничектер, ә минем үземә балалар белән бер дулкында булу бик ошады. Әлеге матур кичне оештыручы Түнтәр китапханәсенә рәхмәт.