Балтачлыларныӊ теләкләре кабул: Чулпан Йосыпованың баласы туган

Беренчедән, үзенә генә хас моӊ, сәхнәдә матур тотышы белән әсир итсә, икенчедән авырлы килеш, зарланмыйча, авырсынмыйча, сәламәтлеге чикле сабыйга ярдәм итү йөзеннән «тере» тавыш белән чыгыш ясавы иде. Күпләр, концерттан чыккач, «Чулпан исән-сау гына баласын тапсын иде, нинди олы йөрәкле җырчы», дип гәп кордылар. Менә аларныӊ теләкләре кабул булган, 23 май көнне 10.10 сәгатьтә Чулпан Йосыпованың улы туган. Баланың авырлыгы - 3600 грамм, буе - 52 см. Җырчы сабыен Казанның 3нче санлы бала тудыру йортында тапкан.

- Бала туасы вакытны иртәрәк билгеләгәннәр иде, көттереп кенә дөньяга килде. Аллага шөкер, икебезнең дә хәлебез яхшы. Улыбыз әтисенә охшаган - кап-кара. Солтан дип исем кушарга ниятлибез, Алла теләсә. Әле дә әни булуыма ышанып бетә алмыйм. Баламның аяк-кулларын тотып карагач, күңелем тулды. Хастаханәдән чыгаргач, әти-әни йортына кайтачакбыз, - дип сөйләгән Intertat.ru хәбәрчесенә Чулпан.

Фото: vk