"Бер җылы сүз ишетмәдем..."

Автор, 10 июнь 2021 - 12:11

3436

Бәдретдинованы кем шулкадәр яратмый?

Илсөя Бәдретдинова үзенең телефонында «җенле» дип язылган кешене күрсәтте. Ул — Фирдус Тямаев.

«Фирдус белән дуслыкка быел 20 ел! Шул 20 ел эчендә бер ягымлы суз ишеткәнем булмады үземнең тарафка. Яратам шул җенлене», — дип яза ул видеога.

Ике дус студиядә пицца ашап утыралар. Алларында пиццаның ниндие генә юк. Бер-берсен күп ашауда шаяртып та алалар.

«Сүндер камераны, сүгенәсе килә», — дип көлә Тямай ахырдан.

Инстачылар видеоны ошаткан. Җырчыларга уртак концерт оештырырга, аны «ике җенле» дип атарга тәкъдим иткәннәр, дип яза Кызыл таң. «Кем дип язса да, чын күңелдән булсын. Эчтә кара елан булмасын», «Рәхәтләнеп сөйләшеп утыралар болар. Бер-берсен үртәшәләр, үпкәләшмиләр дә", «Тормыш авыр, акча житми дип зарланышып утырмыйлар»; «Ике ташбаш», — дип язганнар.