Бүген Хәния Фәрхи туган һәм Илфак Шиһапов үлгән көн

Автор, 30 май 2018 - 21:16

3022

30 май татар эстрадасының иң якты йолдызы Хәния Фәрхинең туган, ә татар журналисты, язучы, продюсер, публицист, җырлар авторы Илфак Шиһаповның вафат булган көне.

Бүген Хәния Фәрхи туган һәм Илфак Шиһапов үлгән көн

Татарстанның һәм Башкортстанның халык артисты Хәния Фәрхи 1960 елның 30 маенда Башкортстанның Тәтешле районында туган.

Хәния Фәрхи ике кыз тәрбияләп үстергән. Бауман урамындагы Йолдызлар аллеясендә аның исемендәге йолдыз да бар. “Татар җыры” бәйгесендә ул 15 “Алтын барс” сынына лаек булды.

Илфак Шиһапов 30нчы май көнне иртәнге якта Казанның Бондаренко урамындагы фатирында вафат булды. Аңа 49 яшь иде.

Илфак Шиһапов үзенең үләчәген алданрак та сизгән ахрысы, дигән фикер туа, чөнки «Вконтакте» сәхифәсендәге битендә ул 20нче май көнне: «Китәм инде… Үкенечсез, үпкәсез. Күкләремә рәхмәт әйтеп… Мин яратам сезне кешеләр…» дигән һәм 23нче майда: «Я был… Я был в вашей жизни» дип, язулар калдырган иде.

Мәрхүмне туган ягында – Лениногорск районы Иске Иштирәк авылында җирләделәр.