Чепьяда “Кышкы әкият” тыңлаганнар (фото)

Яңа елда барыбыз да шатлыклы көннәр, күңелле мизгелләр, тыныч тормышлар көтәбез. 14 декабрьдә мөмкинлекләре чикле кешеләр Декадасы уңаеннан, "Наз" тернәкләндерү бүлекчәсендә һәр елдагыча Яңа ел тамашасы уза. Чара «Кышкы әкият" дип исемләнгән программа буенча барды. Мөмкинлекләре чикле кешеләр әлеге чарада үзләре теккән маскалары белән чыгыш ясадылар, җыр-биюгә булган осталыкларын күрсәттеләр. Кыш бабай һәм Кар кызы да үз урыннарын алып сәхнә түрен бизәп, барлык катнашучыларны Яңа ел белән котлап бүләкләр өләштеләр. Бәйрәм уеннар, бию, җыр белән үрелеп барды. Чарада катнашкан бер кеше дә бүләксез калмады. Гөрләп узган Яңа ел кичәсе күңелле дискотека белән төгәлләнде.