Чулпан Габделганиева: “Ялкынлы ут биетте” (фото)

Бәйрәм кичәсен район социаль яклау бүлеге һәм "Хыял" яшьләр үзәгенең хезмәткәрләре бик матур итеп оештырганнар иде.Бирегә җыелган кунакларны районның инвалидлар оешмасының рәисе Рамазан Фәрзиев һәм социаль яклау бүлеге җитәкчесе Алсу Гатиятуллина котлап, изге теләкләрен җиткерде. Арабызда сәләтле, иҗат бәйгеләрендә дә катнашып уңышларга ирешкән үзе шигырьләр язып, җырлаган Рәзинә Төхфәтуллина һәм яшь җырчы Әнисә Фазылҗанованы "Наз" үзәге җитәкчесе Гөлнара Әүхәдиева котлап, истәлекле бүләкләр белән диплом тапшырды.Аннан соң бәйрәм кичәсе күңелле уеннар, җыр-биюләр белән дәвам итте. Һәркем үзенчә күңел ачып, аралашып, бу кичәдән шат күңелле булып, шушы бәйрәмне оештыручыларга рәхмәтен белдереп өйләргә таралдылар.

Чулпан Габделганиева,
Кариле авылы.