Гөлназ Гафурова ире турында: "Валентиннан Вәлигә әверелде"
“Мәхәббәт” дуэты, ягъни Гөлназ Гафурова белән Вәли Фазлыйәхмәтовның кушылуына Гашыйклар көне сәбәпче булган.
“Вәли белән музыка училищесына укырга кергәч таныштык. Мин кергәндә, ул икенче курста укый иде. Беренче сентябрьдә безне укытучыбыз таныштырды, бер мөгаллимдә белем алдык. Безнең очраша башлавыбызга Гашыйклар көне сәбәпче булды.
14 февраль көнне - Гашыйклар көнендә училищеда миңа Вәлидән открытка бирделәр. Айрат Ильясов таратып йөрде аларны. Открыткада “С днем Святого Валентина от Валентина” дип язылган иде. “Нинди Валентин икән?” - дип озак кына баш ваттым. Студент елларында Алма апаларда яши идем. Аның белән икәүләшеп уйладык. Соңыннан гына апам: “Валентин Вәли сүзеннән ясалгандыр, Вәлидер ул”, - диде. Шуннан соң Вәли белән очраша башладык, дүрт ел йөрдек”, - дип сөйләде Гөлназ Гафурова.
Тулырак: Шәһри Казан
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев