Картая мени соң йөрәк?! (+фото)

Анда милли киемнәрдән татар, удмурт, рус, мари халкының фольклор биюләрен карадык. Әлеге чыгышлар Чепьяда яшәүче күпмилләтле халыкның дус-тату булуын чагылдырды. Китапханәдә эшләүче Залия Зиатдинова белән Чепья мәдәният йортының яңа директоры Раннур Әүхәдиев "Җиләкле җәй" җырын бик матур башкардылар. Баянчы Николай Алексеев безне үзе язган җырын башкарып таң калдырса, сәнгать җитәкчесе Евгения Михайлова удмуртча җырлар аша күңелләргә үтеп керде. "Наз" хезмәткәрләре Ольга Тукаева, Наталия Аськеева, Аля Миронова, Дмитрий Щербаков һәм 8-10 сыйныф укучылары башкаруындагы биюләр күңелләрне җилкендереп җибәрде. Концертны "Наз" бүлекчәсе мөдире, "Нечкәбил" конкурсында катнашучы Тәнзилә Зәкиева оештырган иде. Әлеге чарадан соң йөрәкләр яшәреп киткәндәй булды. Шуңа да ихлас рәхмәтләрне ирештерәсе килә.

Валентин Прокопьев.

Автор фотосы.