Көектә Лев Толстой елына старт бирелде

Шул уңайдан Көек китапханәсендә бу темага старт бирелде! 13 яшеннән әти-әнисез калган Лева Казанда әтисенең апасы Пелагея Юшкова тәрбиясендә үсә. Казан университетының көнчыгыш телләр факультетына укырга кермәкче була, кызганыч, 1ле куялар. Тырышып юридик факультетка үтә, анда да озак тоткарланмый, начар уку, тәртип шома булмау сәбәпле туган ягы "Ясная поляна"га кайтып китә.

Толстойлар нәселе Казанны бик ярата! Бабасының әтисе биредә фәнни документ яза, әтисе дә гел бирегә килә! Язучының тормыш юлына үткәрелгән әлеге сәяхәтне балалар бик кызыксынып тыңлады һәм үзләрен кызыксындырган сорауларын да җиткерде. Безгә кагылышы юк, дип кенә читкә кагу дөрес түгел шул, безнең мәктәп елларыннан яратып укылучы Лев Толстой замана балалары өчен дә бик кызыклы шәхес булып чыкты.

Зилә Нургалиева,
Көек авылы китапханәчесе.