Кенә-Кенәбашта бәйрәмнәр берләшеп уза

Ильнур, 2 март 2017 - 05:16

2513

Ватанны саклаучылар көне уңаеннан Кенәбаш авыл клубында ир-егетләрне бәйрәм белән котлап, матур концерт оештырылды.

Әлеге чара 22се Кенәбашта булса, 23е Кенә мәдәният йорты дәртле җыр һәм биюләрдән гөрләп торды. Ике клубның берләшеп концерт куюы традициягә әйләнеп китте. Монда КВНнан да өзекләр күрсәтелде. Моңлы җырлар, матур биюләр һәркемнең күңеленә хуш килде.

Күрше авыл үзешчәннәренең шулай бердәм булып халык өчен дип тырышуларын авылдашлары күреп, олуг рәхмәтләрен дә ирештерә. Моннан соң да кече авылларда җыр-моң шулай гөрләп торса иде.