Кили башлангыч мәктәбендә очрашу узды (фото)

Норма урта гомум белем бирү мәктәбенең Кили башлангыч мәктәп — балалар бакчасы филиалы укучылары, инвалидлар ункөнлеге кысаларында, «Авырлыкны җиңәр өчен көч кирәк, ә кешегә һәрчак җылы сүз кирәк» дигән темага Асхадуллина Айгөл Хакимулла кызы белән очрашу үткәрде.

Айгөл Кили авылы кызы. 2004 елда 1 сыйныфка укырга керә. Тырышып, үзенә хас үҗәтлек белән башлангыч белем ала. Норма урта мәктәбен уңышлы тәмамлый. Сәламәтлеге чикле булса да, һөнәр сайлау вакыты килеп җиткәч тә кыз югалып калмый, Саба аграр көллиятенә укырга керә. Анда да бар булган көчен куеп көллиятне уңышлы тәмамлый.
Бүгенге көндә кул эшләре белән шөгыльләнеп, заманадан артта калмый үзендә көч табып яши ул.