"Көтелмәгәндә булды бу": Марат Мухин никах укыткан. Кәләш кем? (+фото)

"Матбугат.ру" ачыклаганча, кәләшнең исеме Гөлия Вәлиәхмәтова. Бәхетле парны истәлекле көннәре белән котларга дип иң якыннары, дуслары җыелган. Юмор остасы Данир Сабиров Гөлиягә мөрәҗәгать итеп: "Килен, пажалысты, әбижәть итмә талантлы, йомшак кияүне. Бәхетле булыгыз. Миңа сез икегез дә якын. Яратам, хөрмәт итәм", - дип язган.

Әмма халык Маратның өйләнүен аңлап бетермәгән, күпләр аны Дилә Нигъмәтуллинаны һәм кызын ташлап китүдә гаепли: "Көтелмәгәндә булды бу. Вот тебе на. Бу ирләр хатын алыштыруны, бала ятим калуны нигә дә санамыйлар", - дип язганнар.

Башкалар моңа каршы: " Белмичә гаеп итмәгез, үзегезгә гөнаһ җыеп! Бәхет тормыш теләгез лучше! Дилә инде күптәннән башка кешегә кияүгә чыкты. Маратка бәхет телибез", - дип җавап яза.

Тулырак: matbugat.ru

Фото: instagram.com