Кунырда «Балтач утлары» балкыды бик

3 ноябрь көнне Куныр мәдәният йортында Балтач район мәдәният үзәгенең "Балтач утлары" концерт-тамашасын карадык. Искиткеч ял кичәсе булды. Яшьлеккә кайтып, җырчы-биючеләребезгә сокланып карап утырдык. Бер сулышта үткән бу кичә күңелләребездә озак сакланыр. Шундый талантлы райондашларыбыз булу зур горурлык. Башка авылларга да бу концерт-тамаша килми калмас. Бармый калмагыз диясе килә. Илләребезгә тынычлык урнашып, якыннарыбыз яннарыбызда булса иде. Концерт-тамашаны куючыларга сәламәтлек, уңышлар телибез, иҗат чишмәгез саекмасын, йөзегездә елмаю бетмәсен, изгелек тулы йөрәкләрегез нык типсен. Шушы концерт-тамашаны мобилизацияләнгән райондашларыбызга ярдәм йөзеннән сатып алган "Якты Юл җәмгыяте директоры Зиннур Нурлыҗан улы Әсхәдуллинга да зур рәхмәт! Районыбыз халкының бердәмлеге иң зур мактауга лаек.

Гөлназ Шакирҗанова,

Куныр авылы