Малмыж Сабантуенда булачак губернаторга балтачлылар түбәтәй киертеп, кулына кылыч тапшырдылар (+фоторепортаж)

Аны Малмыж районы башлыгы Валерий Васильевич Константинов һәм Балтач районы башлыгы Рамил Рашитович Нотфуллин каршы алдылар. Губернатор балтачлылар әзерләгән татар халкының тарихын күрсәткән татар өендә булдылар. Игорь Васильев татар милли ашларыннан авыз итте, район башлыгы Рамил Нотфуллин аӊа түбәтәй кигезеп, бүләк итеп кулына кылыч тапшырды. Сабантуй кунаклары каршында чыгыш ясап Киров өлкәсе башлыгы татар милли бәйрәме белән ихластан котлады, киләчәктә дә бергә-бергә матур итеп эшләргә һәм күршеләр белән аралашып, матур итеп яшәргә дигән изге теләкләрен ирештерде.