Мәдәни инициативалар фонды грантлар бирүгә гаризалар кабул итүне игълан итте

Мәдәни инициативалар Президент фонды грант конкурсында катнашу өчен гаризалар кабул итә башлау турында игълан итте. Гаризалар кабул итү кампаниясе 30 июльгә кадәр дәвам итәчәк.

«Без Мәдәни инициативалар фонды сайтын эшләтеп җибәрәбез. Бу сайтта конкурс турындагы нигезләмәнең төп документын укып булачак, - дип сөйләде фондның генераль директоры Роман Карманов. - Президент Мәдәни инициативалар фонды эшчәнлегенең төп максаты-мәдәният, сәнгать һәм креатив, иҗади индустрияләр өлкәсендәге проектларга һәрьяклап ярдәм күрсәтү".

Гаризалар сигез юнәлеш буенча кабул ителәчәк: «Бөек рус сүзе», «Иҗат итүчеләр милләте», «Мдәни код», «Яшь лидерлар», «Мин горурланам», «Ил тарихы.Язмалар җыентыгы» «Көч урыны», «Күпмилләтле халык». Алар барысы да милли һәм мәдәни кыйммәтләрне популярлаштырырга ярдәм итә.

Грантка дәүләт учреждениеләре, дәүләт компанияләре, сәяси партияләр, шәхси эшмәкәрләр, шулай ук муниципаль мәдәният учреждениеләреннән тыш оешмалар да дәгъва итә ала.

Конкурс нәтиҗәләре координация комитеты утырышында 15 сентябрьдән дә соңга калмыйча ясалачак.

21 апрельдә президент Владимир Путин Федераль Җыенга Юлламасында илдә Мәдәни инициативалар фонды булдырылачак, дип белдерде — ул сәнгать һәм иҗат өлкәсендәге проектларга Президент грантларын бирәчәк.

Тулырак: ТИ