Музей һәрчак безне сөендерә

21 октябрьдә "Социаль туризм» программасы кысаларында «Наз» тернәкләндерү бүлекчәсендәге тернәкләнүчеләр Чепьяда урнашкан «Халыклар дуслыгы» музеена сәяхәт кылдылар. Татарстан Республикасындагы күпмилләтле: татар, рус, мари, чуваш, удмурт халкының тормышын тасвирлаган заманча музей - 9 күргәзмә залыннан тора. Музейда шушы якның тарихы, бу якта яшәгән халыкларның тормышы, көнкүрешен тасвирлаган экспонатлар, фотокүргәзмәләр тупланган. "Безне заллардагы экспонатларның, мәгълүматларның күплеге, бу якта яшәүче халыкларның дуслыгы шаккатырды", дип үзенең кичерешләре белән уртаклашты тернәкләнүчеләр һәм музей белән «Наз»га теләк-тәкъдимнәрен җиткерделәр. Музейдан алар күп мәгълүмат туплап, сөенеп, канәгать булып кайттылар.