Ор яшьләре төбәкара «Авылник» яшьләр форумында катнашкан

Ор яшьләре Малмыж шәһәрендә төбәкара «Авылник» яшьләр форумында катнашып кайтканнар.

Яшьләр өчен бик файдалы чара булган.

«Яна Смәел мәдәният йортында ачылу тантанасы булды, һәр команда кунакларга үз чыгышларын тәгъдим итте. Аннары язучы Ләбиб Лерон белән, райондашыбыз, блогер, мөселман кибетләр челтәре хуҗасы Альбина Фазлыева белән очрашу булды. Бу очрашулардан бик күп кирәкле мәгьлумат һәм кинәшләр алдык. Яшьләр фойеда милли уеннар уйнадылар. Аннан Малмыж шәһәренә юл тоттык. Кафеда сыйланганнан сон Малмыж мәдәният йортында үз төбәкләрендәге эшмәкәрләр, блогерлар белән очраштык. Бу форум Малмыж һәм Балтач районы яшьләрен таныштырды, дуслаштырды. Киләчәккә планнар корып, бик ошатып, тагын да шушындый яшьләр өчен файдалы чаралар оештырырга кирәк дип саубуллаштык», дип хәбәр итә Ордан үз хәбәрчебез Раушания Гайнуллина.

Киләсе очрашу 4 гынвар көнне Ор авылында «Дуслыкка чикләр юк» исеме астында үтәчәк.