Раяз Фасыйхов өченче бала алып кайту турында: “И хочется, и колется!”

Алай да, яшь җырчылар арасында популяр булган сорауны Раязга да бирми калмаганнар. Ул да булса, өченче бала алып кайту мәсьәләсе.

Журналистларга биргән интервьюсында Раяз әлеге сорауга: "И хочется, и колется”, - дип русчалатып җавап биргән.

Шуңа өстәп: “Татарларда һәр бала үз ризыгы белән туа, диләр. Кулга кечкенә бала алсаң, өченчесен алып кайту теләге туа. Хәзер бит артистлар арасында да “ишле гаилә” модасы, бер-ике бала белән генә чикләнмиләр. Мин – бала җанлы әти. Венера белән Рамазаным өчен күп нәрсәдән баш тарта алам”, - дигән Раяз Фасыйхов.

Сүзләренә дәлил буларак, Раязның балалар белән әле кар бабай ясаганы, әле урамда уйнаган мизгелләре, гаилә белән җырлы-биюле уеннары, үзенең игътибарлы, яратучы әти буларак балаларын сөендергән күренешләре инстаграм битләрендә дә чагыла.

Инстаграмда бу нисбәттән, комментарий язучылар бик күп: “Раяз, үзегез матур, тәртипле! Шаккатырып алып кайтыгыз әле тагын бер бәләкәч”, “заказ буенча кыз, малай бар бит, булганнарын кеше итәргә кирәк”, “причем монда мода, сәламәтлелегез рөхсәт итә икән, алып кайтыгыз”, дип киңәш итүчеләр дә, “бу дөньяга сезнең кебек яхшы кешеләрдән яхшы балалар күбрәк туса бик әйбәт булыр иде”, дип бу идеяны хуплаучы тамашачылар да шактый.

Тулырак: matbugat.ru

Фото: instagram.com