Ришат Фазлыйәхмәтов хатын сайлый: “Миңа андый кирәк түгел!”

- Әлегә миңа ошарлык кыз юк, - дигән ул "Tatar Today" хәбәрчесенә. - Дөресрәге, миңа ошардае – ирне - ир итәрлек, тормыш кадерен белерлекләре, чын кыйммәтләр белән яшәүчеләре инде кияүдә аның… Кияүдәгеләр ошый дип язып булмый ич инде (көлә). Ә инстаграмда ялтыравык тормышка алданып, ялганны чыннан аермастайлары күбрәк хәзер. Хәзерге кызларның кеше тормышына кызыгып, чагыштыра-чагыштыра, үз алдындагы бәхетенең кадерен белмәве ошамый миңа. Миңа андый кирәк түгел. Хатын-кызга бик күп нәрсә бәйле бит ул – ул ир дә итә белә, гаилә казанында да һәрчак кайнарлык саклана, матурлыкны да дәвам итә, итагатьле балалар да үстерә белә. Шуңа мин ашыкмыйм, минем андый вакытым, Аллаһ боерса – алда. Күкләрдә ничек язылган – шулай булыр, соңармас, дип яза Кызыл таң.

Фото: vk.com