Ришат вахтага китмәс микән?

Ришат Төхвәтуллин Мәскәүдә ике көн концерт куйганнан соң артист Инстаграмында мондый язма калдырган.

«Җырлавы җиңел дип уйлаучылар куп. Килдең, киендең, микрофоныңны алдың һәм җырладың да кайтып киттең. Артистларның эше рәхәт шикелле тоела. Эшемнең авырлыгын сөйләп тормыйм, зарланырга яратмыйм. Хәер, анысын сезгә белергә кирәк тә түгел. Шушы видеоотчётны карагач, үземә дә шулай җиңел генә узган сыман тоелып куйды».

Берничә инстачыга бу ошамаган. Алар моны зарлану дип кабул иткән. «Алайса, ник зарланасың соң?», «Бик авыр булса, Себергә эшкә бар вахтага, анда рәхәт, эшләмичә дә күп итеп түлиләр», — дип, һөнәрен алыштырырга тәкъдим иткәннәр.

«Аңлыйм, һәр нәрсәнең минусы бар. Ул акустика тавышына колаклар гына чыдасын. Көн дә диярлек бит. Тавышның зыяны зур. Тамашачыга ни, ул килә дә кайтып китә», «Читтән караганда җиңел күренә инде» — дип хәленә керүчеләр дә бар.

Фото: Татар-информ

Автор: Резеда Галикәева

https://kiziltan.ru/