СМУлар «Ай астында җырлар» танып белделәр (фото)

Интерактив уен ике команда арасында ярышуга таянып эшләнгән иде. Һәрбер дөрес җавап өчен командалар «йолдызчык» белән бүләкләнеп бардылар. Егетләр һәм кызлар русча, татарча көйләрне, шулай ук мультфильм һәм фильмнарда яңгыраучы җырларны танып белделәр. Әлеге уен читтән генә күзәтеп торучылар өчен дә бик кызык һәм күңелле булды. Шулай итеп «Винкс» командасы - 18, ә «Йолдыз» командасы 15 «йолдызчык» җыеп җиңүче билгеләнде. Ахырдан яшь меломаннарны бүләкләр һәм тәм-томнар белән бүләкләделәр.Әлеге чарадан һәркем бик канәгать калды, чөнки монда рәхәтләнеп музыка тыңлау, үз белемнәреңне күрсәтү мөмкинлеге дә бирелгән иде.

Илүзә Разыкова фотолары.