Татарстанда Сабан туйлары кайчан узачагы билгеле булды
Тиешле указны Татарстан Президенты Рөстәм Миңнеханов имзалаган.
(Казан, 21 март, "Татар-информ"). Бүген Татарстан Республикасы Президентының республикада «Сабан туе бәйрәмен уздыру көннәре турында»гы указы дөнья күрде. Указ нигезендә быел татар халкының милли бәйрәме республиканың район үзәкләрендә (шул исәптән республика әһәмиятендәге шәһәрләрдә) 8-9 июньдә; Чаллы һәм Түбән Кама шәһәрләрендә - 16 июньдә; Татарстан башкаласы Казанда 23 июньдә узачак.
Татарстан Республикасы Министрлар Кабинетына җирле үзидарә органнары белән берлектә күрсәтелгән вакытта бәйрәм чараларын оештыру йөкләнә.
Җирле үзидарә органнарына, иҗтимагый оешмаларга, предприятие һәм берләшмәләргә татар халкының милли бәйрәме - Сабан туен үткәрүдә ярдәм итәргә, актив катнашырга тәкъдим ителә. "Указ имзаланган көннән үз көченә керә", - диелгән Татарстан Президенты имзалаган рәсми документта.
Фото: Рамиль Гали
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев