«Татмедиа» ярты ел эчендә гәҗит-журналларының тиражларын 20%ка арттыруга иреште

Укучылар арасында республика һәм җирле газеталар һәм журналлар зур популярлык казана. Бу хакта «Татар-информ» МА журналистлары белән әңгәмәдә «Татмедиа» АҖ генераль директоры Шамил Садыйков хәбәр итте.

Ул билгеләп үткәнчә, пандемия холдингның басма периодикасының популярлыгы үсешенә комачаулый алмады.

"Кешеләр укуларын дәвам итәләр һәм басма продукция белән актив кызыксыналар. Шул ук вакытта интернет һәм социаль челтәрләр үсеше киң колачлы. Бүгенге көндә «Татмедиа» интернет-киңлектә күп кенә проектлар булдыра, шул ук вакытта укучыларыбыз традицион басмаларга һәм журналларга карата кызыксыну югары дәрәҗәдә кала», - дип сөйләде Садыйков.

Ул шулай ук «Татмедиа» тарафыннан басылып чыккан газета-журналларга язылу һәм газета-ңурналларның тиражлары буенча яңа статистика мәгълүматларны атады. Газета һәм журнал тиражлары 20% ка арткан. Медиахолдинг журналлары зур ыргылыш ясады – биредә язылучыларның ике тапкыр диярлек артуы теркәлде.

"Ярты еллыкка язылу кампаниясе нәтиҗәләре буенча «Татмедиа» басмаларына гомуми язылу тиражы 227,6 мең данә тәшкил итте, ә 2020 елның икенче яртыеллыгында 190,4 мең данә иде. Район һәм шәһәр газеталарына язылу күләме 120,8 мең данә тәшкил итә, республика газеталары буенча 33,1 мең данә (2020 елның шул ук чорына карата 11,6% ка үсеш). Журналларга язылу 73 мең данәдән артып китте (узган елгы күрсәткечләргә карата 217%)", - дип белдерде Шамил Садыйков.

Республика җитәкчелеге ярдәме белән, бүгенге көндә «Татмедиа» төбәкне үз басмалары белән тулысынча диярлек колачлый алды – республикада яшәүче һәр кеше рус, татар, чуаш һәм удмурт телләрендә периодик басмадан файдалана ала.