Валерий Семёнов: “Безнең Субашта бәйрәмнәр зур оешканлык белән үтә” (фото).

Ильнур, 18 март 2015 - 06:28

2598

"Безнең авылыбызда элек-электән бәйрәмнәр зур оешканлык белән үтә. Кечкенә баласыннан алып, өлкәненә кадәр һәр мәдәни чарада актив катнаша. Субаш мәктәбе укытучылары 8нче мартка тирән мәгънәле, эчтәлекле концерт оештырганнар иде.

Валерий Семёнов: “Безнең Субашта бәйрәмнәр зур оешканлык белән үтә” (фото).

Сугыш чорын тасвирлау, солдат хатларын уку күренешләре аша шул кайгылы елларда хатын-кызларның күңел кичерешләрен, сабырлыгын чагылдырдылар алар. Мөгаллимнәр җыр-моңга, нәфис сүзгә осталыкларын да күрсәттеләр. Шыгрым тулы зал аларны көчле алкышларга күмде.

Ә икенче көнне авылыбыз халкы рәхәтләнеп күңел ачып кышны озатты. "Тукай" җәмгыяте җитәкчесе Рамил Мөхәммәтгалиев иганәчелек ярдәме күрсәтте. Төрле бәйгеләрдә көч сынашып, бүләкләр оттык", дип хәбәр итә авыл халкы исеменнән Валерий Семёнов.