1нче номерлы балалар бакчасында Гаилә бәйрәме узган (видео)

2024 ел Россия Федерациясендә Гаилә елы дип игълан ителде. Шул уңайдан 15 февраль көнне Балтачның 1нче номерлы балалар бакчасының кечкенәләр төркемендә әти-әниләр катнашында Гаилә бәйрәме үткәрелде. 

Бәйрәм балаларның матур жырлары, биюләре белән башланып китте. Әти-әниләр балалары белән берлектә әзерләнеп килгән иҗади номерларын тәкъдим иттеләр, үзләренең осталыкларын күрсәттеләр.

Бәйрәмне дәвам итеп әти-әниләр бәйгедә бер-берсенә каршы көч сынаштылар. Әлеге бәйгедә дуслык жиңде. Бакчабыз мөдире Гөлүсә Хәмит кызы катнашкан һәр гаиләне рәхмәт хаты белән бүләкләде. Бәйрәм чәй эчү белән тәмамланды, дип хәбәр итәләр 1нче номерлы балалар бакчасыннан.