Балтачта фән олимпиадаларының муниципаль этабы старт алды

Мәктәп укучыларының Бөтенроссия һәм республика олимпиадаларының муниципаль этабы дүшәмбе көнне Норма мәктәбе базасында экология фәне белән старт алды. Бүген Балтач урта мәктәбендә математика фәне буенча олимпиада уза. Бу атна ахырына кадәр төрле сыйныфлар укучылары үзләрен тарих, география, инглиз теленнән язмача һәм телдән сынаячаклар. Алдагы атнада биология, физика, рус теле, экономика фәннәре буенча районда иң белемлеләр ачыкланачак. Уңышлар телибез, балалар!

Фото: adm-gavrilovposad