Бердәм дәүләт имтиханнары 12 фәннән үткәрелде

2018 елда Бердәм дәүләт имтиханнары 12 фәннән үткәрелде: рус теле, математика, рус әдәбияты, физика, химия, биология, география, тарих, җәмгыять белеме, чит телләр һәм информатика. Математика – база һәм профиль, чит телләр – язмаа һәм телдән, һәрберсе аерым көннәрдә үткәрелде.

Районда 11 сыйныфны 190 укучы тәмамлады. 188 укучы – Бердәм дәүләт имтиханнары, 2 укучы – дәүләт чыгарылыш имтиханы тапшырды. Шулай итеп, Бердәм дәүләт имтиханын рус теленнән – 188 , математика база өлешеннән –188 , математика профиль өлешеннән – 106 , географиядән – 6, җәмгыять белеменнән – 56, биологиядән – 54, физикадан – 47, химиядән – 38, тарихтан – 17, информатикадан – 8, рус әдәбиятыннан – 3, инглиз теленнән – 12 укучы тапшырды, барлыгы 723 укучы имтихан тапшырды.