Беренче номерлы Балтач балалар бакчасы “йолдызчык”лары сәхнә тотты (фото).

Ильнур, 17 май 2015 - 08:34

2570

14нче май кичендә район мәдәният үзәге балаларның шат авазыннан гөр килеп торды. Биредә бистәнең беренче номерлы "Ак чәчәк" балалар бакчасы коллективының иҗади еллык отчет-концерты булды.

Беренче номерлы Балтач балалар бакчасы “йолдызчык”лары сәхнә тотты (фото).

Концерт программасы Бөек Җиңүнең 70 еллыгына багышланган иде. Бакчага йөрүче 150ләп бала сәхнәдә үзләренең ел дәвамында өйрәнгән һөнәрләрен, осталыкларын күрсәттеләр. Тамашачы бигрәк тә нәниләрнең түәге тапкыр сәхнәгә чыгып, тыпырдап биюләрен үз итте. Шулай ук тәрбиячеләрнең күмәк биюләре үзгә бер ямь өстәде. Дәртле биюләр, матур җырлар, Бөек Ватан сугышы темасына багышланган шигырьләр башкарылды. Тамаша кылырга килгән әти-әниләр, әби-бабайлар кечкенә "йолдызчык"ларының чыгышларын яратып кабул итте.