Бөрбаш балалары район сәхнәсенә чыгарырлык концерт күрсәтте (+фоторепортаж)
Бөрбаш балалар бакчасының иҗат концертын бөтен авыл халкы көтеп ала. Быелгысы да елдагыча бик югары дәрәҗәдә, район сәхнәсенә чыгарырлык итеп әзерләнгән иде.
Бакчада 27 апрель көнне зур ярминкә гөрләп узды. Анда һәр төркемнең үзләре үстергән чәчәк үсентеләре, кул эшләре, берсеннән-берсе тәмле ризыклар тәкъдим ителде. Ярминкәгә килгән авыл халкы аннан рәхәтләнеп күңелләре теләгән һәрнәрсәне алып кайтып китә алды.
Ә 28 апрель көне яңгырлы булуга карамастан, авыл халкы, килгән кунаклар зур концертка җыелды. Концерт нәниләрнең кечкенә җанварлар булып, цирк номерлары белән башланып китте. Биредә төрледән-төрле биюләр дә, күңелләргә үтеп керердәй җырлар да ишетеп була иде. Сәхнәне берсеннән-берсе сәләтле балалар, үзенчәлекле номерлар алыштырып кына торды.
Концертта катнашып, һәркемгә яхшы кәеф бүләк иткән балаларга күпбалалы Ирек Газизуллиннар гаиләсе тәмле күчтәнәчләр өләштеләр. Сабыйларыбызның күңелен күтәреп, шундый изгелек эшләгән әлеге гаиләгә Аллаһы Тәгалә игелекләрне меңе белән кылса иде.
Шушы концертны әзерләгән бакча коллективына әти-әниләр исеменнән зур рәхмәт. Киләчәктә дә аңлашып, матур итеп эшләргә язсын иде сезнең белән.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев