Бөрбашка Кыш бабай белән Кар кызы поезда килгән

Яңа ел бәйрәмен каршыларга бакчабызга поездга утырып Кыш бабай белән Кар кызы һәм аларның дуслары килде. Кыш бабай белән Кар кызы барыбызны да Әтәч кебек кыю, эшчән, тапкыр булырга чакырдылар. Бакчага килгән һәр кеше үзен әкият илендә кебек хис итте. Аларны капка төбеннән үк әкият каһарманнары елмаеп каршы алды, ә бакчаның керү верандасында һәр төркемнең әкияткә нигезләнеп ясалган кул эшләре күргәзмәсе каршы алды. Бу сихри матурлыкны - Яңа ел рухын тудыруда әти-әниләрнең, әби-бабайларның зур өлеше керде. Киләсе елларда да шулай бердәм булсак иде, - дип хәбәр итәләр Бөрбаш балалар бакчасыннан.