«Китап укып елый алганнарның күңелендә булмый каралык», ди Балтач мәктәбе әниләре (фото)

Балтач урта мәктәбенең 6 в педагогик сыйныф укучылары белән әниләр арасында «Китап укып елый алганнарның күңелендә булмый каралык» дип аталган Фәнис Яруллинның «Сандугач оясы» хикәясе буенча «Безнең уен» бәйгесе узды.

Уенда балалар һәм әниләр, шушы хикәягә нигезләнеп, сорауларга җавап бирделәр. Хикәя Нәҗип исемле баланың тормышы турында иде. 

Без үзебезнең балаларның хикәяне игътибар белән укыганнарын сорауларга төгәл җавап бирүләрендә күрдек. Алар кешеләргә игътибарлы, мәрхәмәтле булырга, кешеләрнең ялгыш адымнарын гафу итә белергә кирәклеге турында үз фикерләрен әйттеләр.

Уенга әниләр командасы бик зур җаваплылык белән әзерләнеп килгәннәр иде, хәтта балаларга җавап бирергә авыр булган сорауларга ярдәм дә иттеләр. Шушы хикәяне укып, уенда катнашканнан соң без балаларыбызның күңелләре саф, чиста икәнлегенә сөендек. 

Мондый уен оештырганы өчен сыйныф җитәкчебез Гөлнар Илдаровнага үз чиратыбызда рәхмәтебезне җиткерәбез. Бу чарадан соң китап укучыларның саны тагы да артыр дип ышанып калабыз.

Тәнзилә Габдрахманова