Көшкәтбашта Сөмбелә бәйрәме

Борынгыдан ук татар халкы урып-җыю эшләре тәмамлангач, уңыш бәйрәме, ягъни Сөмбелә бәйрәме үткәрә торган булган. Бәйрәмнең хуҗабикәсе - Сөмбелә исемле, алтын-сары толымлы кыз булган. Кызлар аңа башаклардан үреп такыя кидергәннәр. Ил агайлары Сөмбеләне көлтәләр белән бизәлгән тәхеткә утыртканнар. Кыскасы, халык мәгънәле, матур итеп күңел ачкан.

Без дә бу традицияне дәвам итеп, игенчеләргә һәм икмәккә дан җырлап, рәхәтләнеп бер бәйрәм иттек, биедек, җырладык, күңел ачтык, дип хәбәр итәләр Көшкәтбаш балалар бакчасыннан.