Һәр айның үз темасы

Мәсәлән, сентябрь - «Иминлек ае». Бу айда сыйныф сәгатьләрендә, ата-аналар җыелышларында төрле яшүсмер группалары, дини оешмалар турында мәгълүмат җиткерелә, иминлек кагыйдәләре кабаттан искә төшерелә. Октябрь - «Кайгыртучанлык ае». Балалар мәгариф ветераннарын котлаячак, ялгыз карт-карчыкларда кунак булачак, тимурчылык ярдәмен активлаштырачак. Ноябрь - «Хокук белемнәре ае». Укучылар әти-әниләре белән берлектә прокуратура, полиция, салым инспекциясе хезмәткәрләре белән очрашып, әңгәмәләр корып, хокук белемнәрен тагын да ныгытачак. Әнә шундый мәгънәле һәм кызыклы, төрледән-төрле айлыклар уку елы тәмамланганчы дәвам итәчәк.