Районда "Ел укытучысы – 2015" һөнәри бәйгесе старт алды.

Ильнур, 17 февраль 2015 - 14:56

2596

Балтач районы мәгариф идарәсе февраль аенда укытучылар өчен республика күләм "Ел укытучысы - 2015", "Математика укытучысы - 2015", "Физика укытучысы - 2015", "Химия укытучысы - 2015" һөнәри бәйгеләрнең муниципаль этабын үткәрә.

Районда "Ел укытучысы – 2015" һөнәри бәйгесе старт алды.

Район бәйгеләрендә барлыгы 26 укытучы катнаша, шуларның 3се математика, 6 - физика, 7 - химия укытучылары, 11 - башка фән укытучылары.

Беренче этапта конкурста катнашучы укытучылар үзләре укытмаган мәктәптә дәрес һәм мастер-класс күрсәтә. Әлеге чаралар районның 6 мәктәп базасында үтә. Икенче этапта комиссия читтән торып катнашучыларның Интернет-ресурсларына һәм "Мин укытучы" эсселарына бәя бирәчәк.

Бәйгеләрнең җиңүчеләре математика, физика, химия һәм башка фән укытучылары арасында аерым билгеләнәчәк. Җиңүчеләр бәйгеләрнең зона этабына юлламалар алачак.

"Ел укытучысы-2015" республика күләм конкурсының зона этабы март аенда Балтач районында үтәчәк.