Түнтәр мәктәбендә егетләр генә түгел, кызлар да 70 төрле һөнәр белә

Ә менә 7 һәм 8 сыйныф укучылары белән очрашуга минем әтием килде. Ул - Рафис Гарифуллин. Без гаиләбез белән - әти, әни, мин, сеңлем- Көшкәтбаш авылында гомер итәбез. Минем әтием гап-гади һөнәр иясе. Ул - шофёр да, тракторчы да, балта остасы да. Әтием күп еллар зур-зур шәһәрләргә төзелешләргә йөрде. Әти Мәскәүдә, Сочи шәһәре тирәсендә күперләр төзүдә катнашты. Вахта ысулы белән эшләде. Әтием үз чыгышын бигрәк тә малайларга багышлады. Ул мәктәптә тырышып укырга, күркәм холыклы булырга кушты. Кайсы гына тармакны алсак та, тырыш, уңай холыклы кешеләрнең өстенлекле булуларын искәртте. Укытучыларга хөрмәте зур булуын әйтеп үтте. Мин әтием белән горурланып утырдым. Үзем кыз кеше булсам да, мин дә агачтан әйберләр уеп ясарга яратам. Егетләргә генә түгел, җитмеш төрле һөнәр белү кызларга да хас булырга тиеш, дип уйлыйм.

Чыганак: https://vk.com/club125831295?w=wall-125831295_74