Тәрбиячем дә Лилия исемле, укытучым да...

Бакчаны тәмамлап, мәктәпкә киттек. Апаларыбыз безне әле һаман онытмыйлар, гел сорашалар, күрсәләр кочаклап ук алалар. Алар белән безгә бик рәхәт иде, бергәләп табигатькә сәяхәткә барулар, спектакльләр куюлар, шөгыль сәгатьләрендә төрле кул эшләре белән мавыгу, баш эшләтә торган уеннар уйнау бөтенебезгә дә ошады. Хәзер инде мин гимназиядә укыйм. Тәрбиячем Лилия Галиевнадан укытучым Лилия Рашитовнага күчтем. Исемнәре бертөсле булгач, миңа бик рәхәт һәм җайлы. Укытучымның әтисенең исеме дә икенче тәрбиячем Альбина Рашитовнаныкы белән охшаш. Тәрбияче апаларымны бик сагынам, алар биргән тәрбияне гимназиядә акларга тырышам, эшләрендә уңышлар, йөзләрендә гел елмаю балкуын телим.