Бер темага - ике хат яки Яңгулдагы Өлкәннәр бәйрәме

Яңгул авылы өлкәннәре өчен "Әле дә сез бар үрнәк алырга" дип исемләнгән бик матур бәйрәм кичәсе үткәрелде. Кичә "Яңа тормыш" җәмгыяте көче белән әзерләнгән табын артында узды. Без, мәдәният йорты хезмәткәрләре, бәйрәм концерты тәкъдим иттек. Өлкәннәребез арасында да менә дигән талантлар бар. Гармунда да уйнадылар, җырладылар да, шигырьләр дә сөйләделәр. Искиткеч эчкерсез, матур бәйрәм булды бу. Ахырдан алар чын күңелдән рәхмәт хисләрен җиткерделәр. Елдагыча, бу бәйрәмнән соң да күңелдә ниндидер рәхәтлек калды. Ходай үзләренә озын гомер, шул гомергә җитәрлек сәламәтлек бирсен!