Мәрхәмәтлегегез күңелемдә

- декабрь аенда киленебез Резеда авыр чирне җиңә алмыйча, ике баласын ятим калдырып үлеп китте, аннан соң өч ай үтүгә, Резеданың ире - минем кече улым салкын җир куенына керде, бу авыр кайгылар безне тәмам хәсрәт дөньясына салды. Үземнең сәламәтлегем какшау булганлыктан, бу кайгыларны күтәрү бик авыр булды. Авыр минутларда рухи һәм матди ярдәм күрсәткән Рамилемнең хезмәттәшләренә, коллектив җитәкчесе Әнвәр Бахтиозинга, оныкларым Искәндәр, Мәрьямнең сыйныфташларына, туганнарга, күршеләргә һәм күңел сизгерлеге күрсәткән барлык кешеләргә эчкерсез рәхмәтем барып ирешсен, алар ишеген кайгы җилләре какмасын, ә вакытсыз гүр ияләре булган Резеда белән Рамилнең урыннары җәннәттә булсын.